Arrestohet ne Morin, nje person i rrezikshem

Policia Kufitare kap dhe vë në pranga një shtetas turk të shpallur në kërkim ndërkombëtar nga Gjermania.

Arrestimi provizor i tij u bë në bashkëpunim me Interpol Tiranën, me qëllim ekstradimin në shtetin gjerman.

Në hyrje të Pikës së Kalimit Kufitar të Morinës, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, bënë ndalimin e shtetasit të shpallur në kërkim ndërkombëtar:

I.E, 42 vjeç, banues në Turqi.

Gjatë përpunimit dhe verifikimit të të dhënave në sistem, ky shtetas rezultoi person në kërkim ndërkombëtar nga Interpol Wiesbaden, Gjermani.
Autoritetet Gjyqësore Gjermane, kanë caktuar ndaj tij masën e sigurisë “Arrest me burg”, për veprën penale “Trafik droge”, parashikuar nga Kodi Penal i Gjermanisë.

Në përfundim të veprimeve hetimore, specialistët e Seksionit për Hetimin e Trafiqeve të Paligjshme dhe Narkotikëve në DVP Kukës bënë arrestimin provizor, me qëllim ekstradimin e tij drejt Gjermanisë

Leave a Reply

Your email address will not be published. Required fields are marked *

Next Post

Raste të reja me koronavirus në Kukës dhe Tropojë

Sun Oct 25 , 2020
Vazhdon të shënohen raste të reja me koronavirus në Kukës. Sipas raportimit të Ministrisë së Shëndetësisë, gjatë 24 orëve të fundit janë shënuar raste të reja. Bëhet fjalë për 1 rast në Kukës, të identifikuar në 24 orët e fundit dhe 3 raste në Tropojë. Njoftimi i Ministrisë së Shëndetësisë: […]