Arrestohet në Rrugën e Kombit një i ri, po i jepte 20 Euro policit rrugor

Njësia e Policisë Rrugore për Autostradën parandalon dhe godet një rast të mitëdhënies.

Vihet në pranga një 28-vjeçar nga Kosova, pasi tentoi të korruptonte punonjësit e Policisë Rrugore.

Njësia e Policisë Rrugore për Autostradën Milot-Morinë, në kuadër të masave të shtuara për parandalimin e aksidenteve rrugore, gjatë patrullimit  në autostradën Milot-Morinë, ka konstatuar dhe ndëshkuar 38 drejtues mjetesh, për parakalime të gabuara apo manovra të rrezikshme në rrugë, të cilat janë burim për përfshirje në ngjarje rrugore.

Gjithashtu, gjatë kontrolleve është evidentuar dhe ndëshkuar edhe një rast i tentativës për të korruptuar punonjësin e Policisë Rrugore, për t’iu shmangur masës administrative dhe konkretisht në Fushë Milot, punonjësit e Policisë Rrugore kanë konstatuar një parakalim të gabuar nga një drejtues automjeti duke rrezikuar përfshirjen në aksident rrugor.

Gjatë momentit që punonjësit e Policisë po i kontrollonin dokumentacionin dhe po i komunikonin shkeljen dhe masën administrative drejtuesit të mjetit ‘Audi’, shtetasit  Gj. T., 28 vjeç, banues në Kosovë, ky shtetas ka tentuar të korruptojë punonjësit e Policisë Rrugore duke iu dhënë një kartëmonedhë 20 euro.

Punonjësit e Policisë kanë bërë shoqërimin e këtij shtetasi në DVP Lezhë dhe në përfundim të veprimeve specialistët për Hetimin e Krimit Ekonomik e Financiar kanë bërë arrestimin 28-vjeçarit, për veprën penale ‘Korrupsioni aktiv i personave që ushtrojnë funksione publike’.

Policia Rrugore apelon për të gjithë drejtuesit e automjeteve të kufizojnë shpejtësinë, të mos drejtojnë mjetin nën efektin e alkoolit apo në gjendje të dehur, të mos kryejnë parakalime të gabuara apo manovra të rrezikshme në rrugë dhe të mos tentojnë të korruptojnë punonjësit e Policisë Rrugore, por të zbatojnë rregullat e qarkullimit rrugor, me qëllim parandalimin e aksidenteve dhe rritjen e parametrave të sigurisë rrugore.

 

Leave a Reply

Your email address will not be published. Required fields are marked *

Next Post

Lajm i hidhur nga Kukësi/ Ndahet nga jeta doktor Astrit Haziri

Tue Oct 20 , 2020
Një lajm i hidhur ka ardhur nga Kukësi. Është ndarë nga jeta pas një sëmundje e rëndë doktori i njohur kuksian, Astrit Haziri. Ngushëllime më të sinqerta për familjen e tij dhe për kolegët. Zoti e pas qu në xhenet   admin See author's posts