Arrestohet Tush Pali

Vihet në pranga, me qëllim ekstradimi drejt Çekisë, një shtetas i shpallur në kërkim ndërkombëtar për veprat penale ‘Prodhimi dhe shitja e lëndëve narkotike’ dhe ‘Prodhimi dhe mbajtja pa leje e armëve të zjarrit dhe municioneve’.

Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:

Tush Pali, 66 vjeç, banues në Kosovë.

Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Praga, pasi Gjykata e Plzen Çeki e ka dënuar me 1 vit, 5 muaj e 21 ditë burg, për veprat penale ‘Prodhimi dhe shitja e lëndëve narkotike’ dhe ‘Prodhimi dhe mbajtja pa leje e armëve të zjarrit dhe municioneve’, parashikuar nga legjislacioni penal i Çekisë.

Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin në shtetin e Çekisë, mbështetur në ‘Konventën Evropiane të Ekstradimit’ të vitit 1957.

Leave a Reply

Your email address will not be published. Required fields are marked *

Next Post

FOTO/ Mehmet Hoda, një ‘Muhamed Ali’ në Kukës

Tue May 25 , 2021
Meti nga Kolesjani i Kukësit stërvitet që në moshën 12 vjeçare. Dy herë kampion në Shqipëri, tre herë në Kosovë. Stërvitet dy orë në ditë, gjashtë ditë të javës. Mbi të gjitha, një 17 vjeçar i edukuar, me kohë të programuar në shkollë, familje dhe stërvitje. Parametrat e Metit janë […]