Dy arrestime në doganë

Dy të rinj nga Prishtina janë vënë në pranga në doganën e Morinit, pasi akuzohen për trafik droge.

Sipas policisë kufitare të Kukësit, dy të rinjtë me inicialet A. V., 23 vjeç dhe V. B., 22 vjeç, janë ndaluar pasi gjatë kontrollit në makinën e tyre ‘Audi’ u është gjetur një çantë me kanabis.

Njoftimi i Policisë së Kukësit:

Vihen në pranga 2 shtetas, për veprën penale ‘Trafikimi i narkotikëve’.

Njeri nga të arrestuarit i shpallur në kërkim nga DVP Durrës, për mashtrim.

Specialistët për Hetimin e Narkotikëve në DVP Kukës bënë arrestimin e shtetasve:

A. V., 23 vjeç, dhe V. B., 22 vjeç, banues në Prishtinë.

Në hyrje të Pikës së Kalimit Kufitar Morinë, gjatë përpunimit dhe verifikimit të të dhënave në sistem, shtetasi A. V. ka rezultuar person në kërkim, pasi Gjykata e Rrethit Gjyqësor Durrës  e ka dënuar me 6 muaj burg, për veprën penale ‘Mashtrimi’.

Si rezultat i kontrolleve të shtuara, bazuar dhe në analizën e riskut të bërë nga shërbimet e Policisë, është kaluar në vijën e dytë, për kontroll më të imtësishëm, automjeti tip ‘Audi’, me të cilin udhëtonin shtetasit A. V. dhe V. B.  

Gjatë kontrollit të kryer në vijën e dytë, në çantën e krahut të shtetasit A. V. u gjet dhe sekuestrua në cilësinë e provës materiale një sasi lënde e dyshuar narkotike kanabis.  

Materialet i kaluan Prokurorisë së Rrethit Gjyqësor Kukës, për veprën penale ‘Trafikimi i narkotikëve’.

 

Leave a Reply

Your email address will not be published. Required fields are marked *

Next Post

Arrestohet Tush Pali

Mon May 24 , 2021
Vihet në pranga, me qëllim ekstradimi drejt Çekisë, një shtetas i shpallur në kërkim ndërkombëtar për veprat penale ‘Prodhimi dhe shitja e lëndëve narkotike’ dhe ‘Prodhimi dhe mbajtja pa leje e armëve të zjarrit dhe municioneve’. Në hyrje të Pikës së Kalimit Kufitar Morinë, shërbimet e Policisë Kufitare, si rezultat […]