Lumapost.net ka mësuar emrat e kandidatëve që do të sjellë Edi Rama për qarkun e Kukësit.
Burime nga PS kanë bërë të ditur se janë zgjedhur 3 kandidatët që do të konkurrojnë për PS-në në qarkun e Kukësit.
E siç pritej, kandidatët e Ramës janë të importuar në Kukës.
Burimet kanë bërë të ditur për Lumapost.net se Gerta Duraku ka mundur të sigurojë nominimin për të kandiduar në Kukës.
Vajza e Shyqyri Durakut, biznesmenit dhe ish-deputetit të Kukësit në vitet 2001-2005, do të kandidojë për të kërkuar votën e kuksianëve.
Në Tropojë do të kandidojë aktori i njohur i kësaj treve, Petrit Malaj.
Edhe pse jeton e punon në Tiranë, Malaj duket se është një zgjedhje e Ramës për të mbledhur sa më shumë vota.
Ndërkaq vetëm kandidati i Hasit do të jetë vendali.
Bëhet fjalë për kreun aktual të PS-së në Has, Adem Lala.
Ky i fundit pritet të jetë i 3-ti në listën e Ramës në Kukës.