Në verilindje të vendit kanë nisur reshjet e para të borës. Ndonëse me intensitet të ulët, pas mesnate dhe deri në orët e para të ditës u krijua një shtresë rreth 4 cm në lartësitë mbi 700 metër.
Ndërsa, në ultësirën e Kukësit, reshjet ishin të papërfillshme.
Megjithatë, kompanitë e mirëmbajtjes së rrugëve ishin prezente për hedhjen e kripës në akset rrugore problematike.
Në rrugën e Kombit nuk pati probleme, ndërsa u hodh kripë në segmentin Fushë Dukagjin-Tunel i Kalimashit për të shmangur ngricat e mundshme.
Sipas shtabit të emergjencave civile nuk raportohen probleme as nga zonat e thella ndërsa të gjitha akset rrugore nacionale e rurale janë të qarkullueshme dhe pa probleme.
