Kukësi dhe Dinamo do të përballen të mërkurën në ‘Elbasan Arena’ në orën 16:45, ndeshje e vlefshme për javën e 16-të të Abissnes Superiores.
Një sfidë që verilindorët kanë shansin e artë të afrohen vetëm me 3 pikë me Tiranën e cila aktualisht është 6 pikë para Kukësit.
Për këtë ndeshje drejtuesit e Kukësit kanë bërë publike dhe çmimin e biletave, teksa janë vendosur edhe çmime të përballueshme për tifozët.
‘Klubi i Kukësit njofton se nga dita e sotme mund të blihen biletat për ndeshjen e javës së 16 të Superiores, Kukësi – Dinamo. Ndeshja është planifikuar të luhet në stadiumin ‘Elbasan Arena’ ditën e mërkurë, duke nisur nga ora 16:45’, thuhet në postimin e klubit.