Segmenti i Rrugës së Kombit qe përshkon krahun jugor te qytetit te Kukësit është përgjakur nga aksidentet rrugore për shkak të mbikalimit te ndërtuar.
Banorët e zonës bëjnë thirrje që të ndërmerren masa, pasi bilanci i jetëve të humbura është i rëndë.
Segmenti i Rrugës së Kombit që përshkon krahun jugor të qytetit të Kukësit mbetet një kërcënim i vazhdueshëm për një numër qytetarësh që e kanë të lidhur përditshmërinë me pjesën poshtë rruge.
Mbikalimi i ndërtuar nga ARRSH, është ndërtuar pa projekt pasi sipas banorëve ai nuk është pozicionuar në vendin që duhej të kryente funksionin e tij.
Aksidentet në rrugët e Kukësit shënojnë një bilanc të frikshëm vdekjesh dhe ende nuk ka një reflektim e as përpjekje nga shteti, përkatësisht pushteti vendor apo institucionet e tjera përgjegjëse për të përmirësuar këtë situatë.