Wildlife Albania Photography hapi ekspozitën 4 ditore në Qytetin e Prizrenit ku u prezantuan fotografi të shpendëve migrues.
Wildlife Albania Photograpy është grupi më i madh i fotografeve Shqiptare që me aparatin e tyre sjellin foto nga momente te ndryshme të shpendëve dhe kafshëve.
Arian Mavriqi, kryetar i kësaj organizate u shpreh se kjo ekspozitë do prezantohet në të gjithë Kosovën dhe Shqipërinë si dhe në Maqedoni e Mal të Zi
Në këtë ekspozitë morën pjese edhe fotografë nga Shqipëria siç është Besnik Hallaçi, biolog, drejtor i ADZM (zonat e mbrojtura) Kukës.
Të jesh fotograf i botës së egër nuk është gjë e lehtë pasi kjo kërkon durim dhe përqendrim të madh.
Ky lloj i fotografisë të jep mundësinë të njohësh më mirë natyrën, të udhëtosh nëpër vende të ndryshme, të gjendesh përballë lloj-lloj kafshe dhe natyrisht të shkrepësh fotografi mahnitëse që i pëlqejnë të gjithë.
