Policia kufitare në Kukës ka arrestuar një shtetas maqedonas të shpallur në kërkim nga autoritetet belge.
Gjatë përpunimit dhe verifikimit të të dhënave në sistem, u bë arrestimi i Djelal Feratit, pasi autoritetet gjyqësore në Antwerp, Belgjikë e kanë dënuar me 3 vite burg për ‘Kultivim të bimëve narkotike’ dhe ‘Vjedhje’.
Njoftimi i Policisë së Kukësit
Vihet në pranga, me qëllim ekstradimi drejt Belgjikës, një shtetas i shpallur në kërkim ndërkombëtar për veprat penale ‘Kultivimi i bimëve narkotike’ dhe ‘Vjedhja’.
Në hyrje të Pikës së Kalimit Kufitar Morin, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:
Djelal Ferati, 38 vjeç, banues në Shkup.
Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Bruksel/Belgjikë, pasi autoritetet gjyqësore në Antwerp, Belgjikë e kanë dënuar me 3 vite burg për veprat penale ‘Kultivimi i bimëve narkotike’ dhe ‘Vjedhja’, parashikuar nga legjislacioni penal i Belgjikës.
Në përfundim të veprimeve hetimore, specialistët e Seksionit për Hetimin e Krimit në Komisariatin e Policisë Kukës bënë arrestimin provizor të këtij shtetasi, me qëllim ekstradimin e tij drejt Belgjikës, mbështetur në ‘Konventën Evropiane të Ekstradimit’ të vitit 1957.
