Iu bashkua listës së Ramës, kuksiani Ylli Shehu: Po bashkohem me një ekip që bën ‘natën ditë’

Read Time:1 Minute, 39 Second

Kuksiani Ylli Shehu, pasi braktisi Partinë Republikane dhe LSI-në, dje i është bashkuar zyrtarisht PS-së në listën për deputetë.

Dhe si për ta justifikuar këtë lëvizje, Rama e ka vendosur Ylli Shehun të 24 në listën e Tiranës.

Pas publikimit të listave, sot ka reaguar dhe kandidati i PS-së, Ylli Shehu:

Nisim sot një rrugëtim të ri drejt 25 prillit për të përfaqësuar qytetarët e Tiranës.

Si në vitin 2013, 2017, edhe kësaj radhe, do të jem pranë miqve, bashkëpunëtorëve dhe atyre që më kanë besuar  për gati 8 vjet në qarkun më të madh të vendit.

Marrëdhënia me secilin prej jush, ka qenë për mua nderi më i madh dhe përgjegjësia më e lartë.

Rrugët që kam zgjedhur për të shkuar drejt parlamentit dhe për të qenë zëri juaj, nuk më kanë ndihmuar gjithmonë të bëj më të mirën.

Unë vendosa ta korrigjoj këtë.

Vendosa të bashkohem me një ekip që bën ‘natën ditë’ dhe jo ‘ditën natë’. Vendosa të konkurroj me ekipin e Partisë Socialiste sepse këmbëngulja e Edi Ramës për tu qëndruar mbi kokë shqiptarëve e për të udhëhequr me patriotizëm, është e qartë.

Unë nuk desha ta kërkoj më votën tuaj pa qenë i sigurt se mandati im në parlament mund tu kthehet drejtpërdrejt në shërbimin tuaj dhe të komunitetit të Tiranës.

Kështu që në 25 prill, do të më gjeni në Listën e Partisë Socialiste me numrin 24. Falënderoj kryesinë e PS-së, që mes larmisë së emrave të saj potencialë, më mirëpriti në këtë skuadër ku secili duhet të bëjë më të mirën për një Shqipëri me ritëm, që nuk  ka nevojë të frenojë për të ndërruar shoferin.

Ju duhet të votoni kësaj herë dy herë në të njëjtën fletë votimi. Unë ju ftoj të zgjidhni Partinë Socialiste dhe më pas kandidaturën tim me numrin 24.

Bashkë do t’ja dalim, me të gjithë vëmendjen tek njerëzit. Sepse Shqipëria është e ardhmja jonë, dhe shqiptarët nuk kanë kohë për gjumë.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Previous post Mjerim dhe braktisje në Kukës/ Hoxha: Me PD, qeveria në krah të familjeve të pamundura
Next post Rikthehet i ftohti në Kukës, reshjet dëbore në lartësi