Kapen në Kukës 800 kg duhan kontrabandë

Një 38-vjeçar është arrestuar nga policia në Kukës pasi u kap duke transportuar 800 kg duhan kontrabandë.

38-vjeçari me inicialet E. A., u kap në aksin rrugor Kukës-Morinë me një furgon, brenda të cilit u gjet duhani kontrabandë pa faturë shoqërimi.

Policia e Kukësit:

Goditet një rast i kontrabandës me mallra për të cilat paguhet akcizë. 

Sekuestrohen 800 kg duhan.

Arrestohet në flagrancë 1 shtetas.

Specialistët për Hetimin e Krimit Ekonomik dhe Financiar në Drejtorinë Vendore të Policisë Kukës, në vijim të punës për goditjen e paligjshmërisë, kanë goditur një rast të kontrabandës me mallra për të cilat paguhet akcizë. Si rezultat u arrestua në flagrancë shtetasi E. A., 38 vjeç, banues në Grudë Fushë, Malësi e Madhe.

Në aksin rrugor Kukës-Morinë është ndaluar mjeti tip furgon me drejtues shtetasin E. A. Gjatë kontrollit të ushtruar nga Policia, brenda në furgon u gjetën dhe u sekuestruan 800 kg duhan (gjethe duhani të thata), pa faturë shoqërimi. 

Materialet i kaluan Prokurorisë pranë Gjykatës së Shkallës së Parë Kukës, për veprat penale ‘Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës’ dhe ‘Tregtimi dhe transportimi i mallrave që janë kontrabandë’ dhe ‘Fshehja e të ardhurave’.

 

Leave a Reply

Your email address will not be published. Required fields are marked *

Next Post

Reshjet e shiut, rritet niveli i liqenit të Fierzës

Thu Jan 28 , 2021
Reshjet e shumta në të gjithë vendin kanë sjellë rritje të prurjeve në Kaskadën e Drinit. Por niveli i ujit është drejt nivelit maksimal në hecin e Fierzës, Komanit dhe Vaut të Dejës. Prodhimi total plotëson të gjithë kërkesën për energji elektrike të konsumit për vendin sipas korporatës elektroenergjitike shqiptare. […]