‘Ke shkuar me gruan time’/ 50-vjeçari i zhvat 12 milionë lekë inxhinierit kuksian

Një histori jo shumë e zakontë është zbuluar në qytetin e Kukësit.

Një 72-vjeçari i janë zhvatur në periudha të ndryshme kohore 12 milionë lekë të vjetra nga një bashkëqytetar që e akuzonte për raporte seksuale me të shoqen.

50-vjeçari Agron Nika, siç raporton “BalkanWeb”, është arrestuar nga seksioni për hetimin e krimeve të rënda, pasi në kohë të ndryshme nëpërmjet shtrëngimit me anë të kanosjes për dhënie pasurie i ka marrë 72-vjeçarit F. Gjici nga Kukesi, me profesion inxhinier, rreth 12 mln lekë të vjetra.

50-vjeçari akuzonte Gjicin se kishte pasur raporte seksuale me gruan e tij dhe në këtë mënyrë kishte turpëruar atë dhe fisin e tij dhe në formë shpagimi duhet ta dëmshpërblente duke i dhënë para.

Njoftimi i Policisë së Kukësit

Ndalohet 1 shtetas, për veprën penale “Shtrëngim me anë të kanosjes për dhënie pasurie”.

Specialistët për Hetimin e Krimeve në Drejtorinë Vendore të Policisë Kukës, në bashkëpunim me Komisariatin e Policisë Nr. 2 Tiranë, bënë kapjen dhe ndalimin e shtetasit A. N., 50 vjeç, banues në Tiranë.

Ndalimi i tij u bë pasi shtetasi F. Gj. ka bërë kallëzim se në periudha të ndryshme kohore, nëpërmjet shtrëngimit me anë të kanosjes për dhënie pasurie, shtetasi A. N. i ka marrë një shumë të konsiderueshme lekësh.

Vijojnë hetimet për dokumentimin e plotë të ngjarjes.

Materialet i kaluan Prokurorisë së Rrethit Gjyqësor Kukës, për veprime të mëtejshme.

Leave a Reply

Your email address will not be published. Required fields are marked *

Next Post

Fluks në Morin, qindra automjete në radhë në pritje të procedurave

Wed Feb 24 , 2021
Ditën e sotme në pikën kufitare të Morin ka pasur një fluks të lartë makinash. Radhë të gjata dhe qindra automjete me qytetarë po kalojnë drejt Kosovës, por edhe nga Kosova drejt Shqipërisë. Gjithashtu fluks i lartë është edhe për mjetet e tonazhit të rëndë që transportojnë mallra, pasi janë […]