Kukësi vuan për ujë/ Banorët: Na vjen vetëm disa minuta dhe pa presion

Banorët e qytetit të Kukësit, veç temperaturave të larta, po përballen këto ditë edhe me oraret mjaft të reduktuara të furnizimit me ujë nga rrjeti i ujësjellësit.

Madje banorët u shprehën se edhe ato pak minuta kur vjen uji nuk ka fare presion. Dhe si për ironi të fatit, kjo situatë ndodh pikërisht në një qytet që njihet për burimet e shumta ujore.

‘Çfarë të bëjmë me 30 minuta ujë, nuk ngjitet uji fare në pallat, këtë vit e kemi pasur shumë problem’, thonë banoret e intervistuara.

Kjo situatë i ka rikthyer banorët e qytetit te bidonat si dhe gjetjen e burimeve ujore për të kryer nevojat e përditshme në banesat e tyre.

Thatësira e tejzgjatur shikohet si një nga shkaqet e kësaj situate të furnizimit me ujë në qytetin verior. Por edhe lidhjet e paligjshme, defektet në linjën e ujësjellësit si dhe mospagesa e faturave të ujit të pijshëm, shikohen si faktorë kryesorë në situatën e krijuar.

‘Ka ndërhyrje dhe shpërdorime, ka fshatra qe nuk paguajnë fare dhe vetëm kërkojnë furnizim. Shpresojmë se investimi ri që do të bëhet, me vlerë 2 miliardë lekë të furnizojë jo vetëm qytetin e Kukësit, por edhe fshatrat përreth’, thotë për A2 Asllan Hoxha, drejtori i Ujësjellës Kanalizimeve në Kukës.

Ndërkohë, gjatë aksionit të ndërmarrë nga Task Forca e ujësjellës-kanalizimeve, janë prerë  me qindra lidhje të jashtëligjshme.

Leave a Reply

Your email address will not be published. Required fields are marked *

Next Post

Ekskluzive/ Nuk ka nxënës, shkrihen edhe 4 shkolla në Kukës

Thu Aug 20 , 2020
Luma Post ka mësuar se në zonën e Kukësit është propozuar që të shkrihen këtë vit edhe 4 shkolla në zona të ndryshme administrative. Vendimi është marrë për shkak të numrit të ulët të nxënësve, pasi sipas ligjit një shkollë duhet të ketë të paktën 80 nxënës që të funksionojë. […]