‘Plang e shtëpi unë do t’i kalli gjuhën shqipe do ta ngjalli’
Ishin vargjet e mulla Jonuzit që mbajtën të ndezur dëshirën e madhe për dije e arsim shqip, të kurorëzuar me shkollën e parë shqipe në Bicaj, me 18 Tetor 1914 me mësues Ibrahim Voga nga Prizreni!
Kur Ballkani ndizej flake nga lufta, e shqiptaret luftonin kundër pushtuesve serbe e malazeze, Bicjanët luftonin, edhe mësonin shqip!
Ndër shekuj u shquan për trimëri në lufte, për dijen dhe shkollimin në vende të ndryshme, por nga 18 Tetori 1914, bicjanët do të bëjnë emër nga mësimi shqip në shkollën e tyre.
Edhe në vitin 1947 bicjanët me kontribut vullnetar, ndërtuan këtë shkolle të bukur për të shkolluar brezat e ardhshëm!