Sërish lajme të këqija për Kukësin.
Një kuksian ka humbur jetën për shkak të koronavirusit Covid-19.
Sipas ministrisë së Shëndetësisë, një 81-vjeçar nga Kukësi ka humbur jetën në spitalin Covid-2 tek Sanatoriumi.
Edhe një ditë më parë humbi jetën një tjetër qytetar nga Kukësi, duke e çuar në 8 të vdekur numrin total të viktimave nga koronavirusi në qarkun e Kukësit.
‘Pavarësisht përpjekjeve të mjekëve, fatkeqësisht, në dy spitalet COVID, nuk e kanë fituar dot betejën me sëmundjen;
një 64 vjeçar nga Kruja, një 79 vjeçare nga Fieri, një 81 vjeçar nga Kukësi, dhe tre qytetarë nga Tirana: një 77 vjeçare, një 80 vjeçar dhe një 82 vjeçar’, bëri të ditur ministria e Shëndetësisë.