Libri i studiuesit kuksian Besim R. Cengu-Nga Petrit Palushi

Libri i studiuesit Besim R. Ceng

FJALA SI ALGJEBËR SEMANTIKE
(E botoi “Arbëria”, Tiranë 2019)

Në këtë libër edhe shkrimi

TRAGJIKOMEDIA E NJË BOTE TË TRISHTUAR
(Për romanin tim “Tri motra në një qytet”, botim i OMBRA GVG, Tiranë 2005; Shkrimi është botuar fillimisht te Faqja elektronike revistadenfloina, viti 2008)

FRAGMENT SHKRIMI

Romani “Tri motra në një qytet”, është pritur mirë nga lexuesi, që do të thotë, se jo vetëm sjell ide të reja e nivel të kënaqshëm artistik, që po le gjurmë tek lexuesi, por nga ana tjetër, po shkund edhe një farë pluhuri që ka rënë përmbi prozën artistike shkruar e publikuar viteve të fundit. Autori me”Tri motra në një qytet”, e themi pa ndrojtje, ka ndikuar admirueshëm në thyerjen e kornizave të përthyera artistike, duke krijuar një prozë tjetërlloj, përkundër shtampave e modeleve steriotipe të deritashme… Nuk është vetëm fjala e bukur që tërheq publikun, por sot kur jetojmë prakticitetin në çdo fushë të jetës.

Në art mbi të gjitha është kumtimi i fjalës, ç’farë mesazhi i përcjell lexuesit përmes ligjërimit të thjeshtë, të bukur e autentik. Kjo është mjeshtria e finesa në art. Sot edhe në praktikën artistike botërore shkruhet shkurt, duke përcjellë hapur idenë se i ka ikë koha epopeve shumëvëllimshe. Dhe kështu është në fakt në këtë kohë dinamike.

Si i tillë është paraqitur shkrimtari Petrit Palushi me romanin e tij, ashtu sikurse me këtë vepër ka treguar, se në letërsi nuk ka “provincë” dhe “provincializëm”. Fakti se romani i tij “Tri motra në një qytet”, aktualisht hyn në një prej krijimeve më të mira në prozën moderne të viteve të fundit, e fashit këtë koncept të tejkaluar.

“Të bësh një hap përpara, të thuash një fjalë të re, kjo i frikëson njerëzit më së shumti”, thoshte Dostojevski. Hedhja e një hapi përpara nga prozatori Petrit Palushi me romanin “Tri motra në një qytet” dhe thënia e një fjale të re artistike në këtë vepër, nuk duhet të frikësojë askënd.

Përkundrazi duhet parë me admirim.

Leave a Reply

Your email address will not be published. Required fields are marked *