Masat anti Covid në Kukës/ Nxënësit mes dyshimit dhe dëshirës

Viti i ri shkollor në sistemin parauniversitar që është parashikuar që të nisë më 14 shtator do të jetë një vit ndryshe, veçanërisht për nxënësit e ciklit 9-vjeçar.

Për shkak të pandemisë Covid-19, Ministria e Shëndetësisë ka përpiluar një udhëzues me disa rregulla që duhen zbatuar me qëllim parandalimin e përhapjes së virusit.

Rregull kryesor është mbajtja e maskave nga nxënësit dhe mësuesit. Por, si i kanë pritur nxënësit këto masa dhe sa të vështirë e kanë ato të përshtaten me këtë realitet të pajetuar më parë në shkolla.

‘Do të mundohemi të zbatojmë rregullat, që të mbrojmë veten dhe të tjerët. Do të jetë vështirë për të mbajtur maskën 6 orë, por do ta mbaj sa më shumë të mundem’, thonë nxënësit.

Nga ana tjetër, edhe pse të shqetësuar, prindërit mbështesin kthimin e fëmijëve të tyre në bankat e shkollës, duke kërkuar zbatimin me rigorozitet të masave dhe krijimin e kushteve sa më optimale nga institucionet shtetërore.

Ndërkohë, shkollat në qytetin e Kukësit po vijojnë përgatitjet për të pritur nxënësit në kushtet e pandemisë.

Leave a Reply

Your email address will not be published. Required fields are marked *

Next Post

VIDEO/ Aksidenti i frikshëm me 5 makina të përplasura në Rrugën e Kombit

Sun Sep 6 , 2020
Një aksident i frikshëm ka ndodhur pasditen e sotme në rrugën Milot-Rubik. Burime nga policia kanë bërë të ditur se janë 5 makina që janë përplasur me njëra-tjetrën. Dëmet materiale janë shumë të mëdha. Fatmirësisht nuk ka persona të plagosur, por vetëm disa të lënduar lehtë. Siç edhe shikohet nga […]