Me dokumente polake me vete, 2 të rinj nga Kukësi në pranga

Dy të rinj nga Kukësi janë arrestuar, pasi kishin me vete dokumente polake të falsifikuara.

Policia e Kukësit thotë se, në makinën e tyre është gjetur dhe nje shkop bejsbolli.

Njoftimi i Policisë së Kukësit:

Arrestohen në flagrancë 2 shtetas, për veprat penale ‘Falsifikimi i letërnjoftimeve, pasaportave ose vizave’ dhe ‘Mbajtja pa leje e armëve të ftohta’.

Specialistët e Seksionit për Hetimin e Krimit Ekonomik dhe Financiar në DVP Kukës, arrestuan në flagrancë shtetasit E. B., 28 vjeç dhe E. Ç., 22 vjeç, të dy banues në Kukës.

Arrestimi i tyre u bë pasi, në aksin rrugor Morinë-Kukës, gjatë kontrollit të ushtruar nga Policia në automjetin tip ‘Benz’, me drejtues shtetasin E. B. dhe pasagjer shtetasin E. Ç., u gjetën një leje drejtimi automjeti polake dhe një letërnjoftimi polake me të dhënat e shtetasit polak M. B., të dyshuara të falsifikuara, si dhe 1 shkop bejsbolli, të cilat u sekuestruan në cilësinë e provës materiale.

Materialet u referuan në Prokurorinë pranë Gjykatës së Shkallës së Parë Kukës, për veprat penale ‘Falsifikimi i letërnjoftimeve, pasaportave ose vizave’ dhe ‘Mbajtja pa leje e armëve të ftohta’.

Leave a Reply

Your email address will not be published. Required fields are marked *

Next Post

Rikthehet fort koronavirusi në Kukës/ Ja sa raste janë sot

Tue Nov 3 , 2020
Koronavirusi është rikthyer fort në Kukës, me shumë raste të reja. Edhe pse ishte krijuar ideja se nuk kishte raste të reja dhe po shkonin drejt shuarjes, sot kjo teori është rrëzuar. Ministria e Shëndetësisë ka bërë të ditur se sot janë regjistruar 7 raste me Covid-19 në Kukës. Numri […]