Ndahet nga jeta mësuesi i njohur kuksian, Rizë Spahiu

1 min read

‘Lamtumirë mësuesi fisnik, Rizë Xhemë Spahiu!

Iku nga kjo botë edhe mësuesi fisnik Rizë Xhemë Spahiu…’

Publicisti dhe shkrimtari i njohur kuksian Petrit Palushi ka bërë të ditur lajmin e trishtë.

‘Përveç njohjes me djemtë e vet, Izet, Luan & Vullnet, me këtë njeri të virtytshëm, më kish lidhë letërsia.

Lexues fenomen, anipse kish mbi 8 dekada mbi supe.

Por, dhe me kujtesë me e pasë zili.

Zotni burrë!

Punoi afro 4 dekada në shkolla të ndryshme të Kukësit.

Prej katundit të largët në katundin ma të largët e ma të largët.

Pasionant, korrekt më kolegët dhe nxënësit. Ish-kolegët e tij më kanë tregue se, me gjithë vështirësitë, nuk ankohej asnjiherë, por vazhdonte punën me durim.

E kam ftu disa herë në veprimtaritë e Kl. Letrar Anton Pashku.

Kur e shihja n’atë moshë që s’i rreshtej leximit, shpesh thoja:

Po rinija e sotme çfarë halli ka që s’lexon?

Tash, mbeten vetëm kujtimet e mira për të.

E më vjen ndër mend nji varg i Fishtës:

‘Leht’ të kjoft’ mbi vorr lendina!’, shkruan Petrit Palushi në Facebook.

Leave a Reply

Your email address will not be published. Required fields are marked *