Në Bujan të Tropojës vatër me grip shpendësh, dogana e Morinit ndalon importin

Në doganën e Morinës nuk do të lejohet importi i shpendëve, produkteve e nënprodukteve të tyre.

Ky vendim është marrë nga Ministria e Bujqësisë menjëherë pas shfaqjes së rasteve të para të gripit të shpendëve në vendin tonë prej të cilëve një rast edhe në Bujan të Tropojës.

Inspektorët e AKU në Morinë ndjekin zbatimin e këtij vendimi duke kontrolluar të gjitha mallrat që hyjnë në Morinë

Inspektori i AKU-së Hysen Daci thotë se nuk ka raste të tilla në doganën e Morinës edhe për shkak se përmes kësaj pike nuk importohen produkte të tilla.

Daci tha se po bashkëpunohet ngushtë me të gjitha autoritetet për monitorimin e situatës.

Ndërkohë inspektoret e AKU dhe shërbimi veterinar në Kukës po kryejnë inspektime e kontrolle në tregje e njësi shërbimi për produktet me prejardhje të shpendëve.

Leave a Reply

Your email address will not be published. Required fields are marked *