Nis në Kukës vaksinimi i mjekëve dhe infermierëve

1 min read

Situata pandemike në vend, shtrimet në spitale, intubimet dhe rastet e vdekjeve janë një këmbanë alarmi për cilindo për të zbatuar masat kundër Covid-19.

Ky ishte mesazhi i drejtueses së Institutit të Shëndetit Publik, Silva Bino nga Kukësi ku mesditën e kësaj të premte nisi vaksinimi për personelin mjekësor të Kukësit dhe gjithë qarkut.

Sipas Binos, të dhënat e kësaj jave sa i takon shkallës së infektimeve do të diktojnë masat që do të rivlerësohen nga Komiteti i Ekspertëve të hënën e ardhshme.

Ndërkohë, në Shkodër ka përfunduar procesi i vaksinimit për personelin shëndetësor, ku 2500 mjekë dhe infermierë kanë marrë dozën e parë të vaksinës anti-covid.

Po ashtu, në Shkodër ka nisur dhe vaksinimi i personave mbi 80 vjeç, ku vetëm në Bashkinë e Shkodrës janë rreth 7700 persona të kësaj grupmoshe që pritet të vaksinohen.

Leave a Reply

Your email address will not be published. Required fields are marked *