Një i arrestuar në Morin, një tjetër në kërkim

Policia Kufitar e Morinit ka arrestuar një 41-vjeçar kosovar, pasi është kapur me dokumente të falsifikuara.

Gjithashtu, është shpallur në kërkim një shtetas tjetër i dyshuar si i përfshirë në falsifikimin e dokumenteve.

Njoftimi i policisë së Kukësit:

Specialistët e Seksionit për Hetimin e Krimit Ekonomik dhe Financiar në Drejtorinë Vendore të Policisë Kukës arrestuan në flagrancë shtetasin A. M., 41 vjeç, banues në Kosovë dhe shpallën në kërkim shtetasin B. E., banues në Kosovë.

Si rezultat i kontrolleve të shtuara, bazuar dhe në analizën e riskut të bërë nga shërbimet e Policisë Kufitare, në hyrje të PKK Morinë, është kaluar për kontroll në vijën e dytë automjeti tip autobus, ku udhëtonte si pasagjer shtetasi A. M.

Gjatë kontrollit në valixhen e shtetasit A. M. u gjetën dhe u sekuestruan në cilësinë e provës materiale disa dokumente të dyshuara të falsifikuara.

Gjithashtu, u shpall në kërkim shtetasi B. E., i cili dyshohet të jetë i implikuar në këtë veprimtari kriminale.

Vijon puna hetimore nën drejtimin e Prokurorisë së Rrethit Gjyqësor Kukës, me qellim zbardhjen e rrethanave të ngjarjes dhe identifikimin e personave të tjerë të përfshirë në këtë veprimtari kriminale.

Materialet i kaluan Prokurorisë së Rrethit Gjyqësor Kukës, për veprime të mëtejshme, për veprën penale ‘Falsifikimi i letërnjoftimeve, i pasaportave ose i vizave’, kryer në bashkëpunim.

 

Leave a Reply

Your email address will not be published. Required fields are marked *