Nuk pyesin për Covid/ 10 mijë shqiptarë të Kosovës kalojnë Morinin çdo ditë

Ndonëse dy vendet po vazhdojnë luftën me koronavirusin, qytetarët e Kosovës nuk i kanë lënë qejfet as këtë verë.

Pothuajse çdo ditë, e sidomos gjatë fundjavave shihet një numër i madh i mjetesh dhe qytetarëve që nisen drejt bregdetit shqiptarë.

Të paktën 10 mijë shqiptarë nga Kosova e kalojnë çdo ditë kufirin

Qytetarët nga Kosova nuk ia kanë bërë dysh gjatë ditës së djeshme, pasi në masë të madhe kanë udhëtuar drejt Shqipërisë për të qëndruar pranë bregdetit.

Një fluks i madh  mjetesh është shënuar në kufirin Kosovë-Shqipëri duke shkaktuar kolona në mëngjesin e së martës.

Policia Kufitare e Morinës si zakonisht ka punuar me procedurë të përshpejtuar dhe me të gjitha kapacitetet e sporteleve për kalimin e shpejtë të automjeteve.

15 ditëshi i dytë i gushtit ka nisur me një fluks të lartë në pikën kufitare të Morinit me një  mesatarja ditore të kalimeve në kufi drejt Shqipërisë  me mbi 10 mijë qytetarë.

Edhe gjysma e dytë e gushtit  pritet të sjellë një mesatare ditore më të madhe për shkak se lëvizjet e shqiptarëve të Kosovës do të jenë më të mëdha.

Leave a Reply

Your email address will not be published. Required fields are marked *