Përleshen me armë dy baxhanakë

Mbrëmjen e djeshme ka ndodhur një përleshje me armë zjarri mes dy personave, të cilët dyshohet të jenë bagjanakë mes vete.

Lajmin për Indeksonline e ka konfirmuar zëdhënësi i Policisë për Rajonin e Prizrenit, Shaban Osmanollaj, ku thotë se pas përleshjes që ndodhi rreth orës 18:20, janë arrestuar dy të dyshuar.

‘Dyshohet se ka pasur edhe të shtëna me armë zjarri. Policia ka sekuestruar tri armë zjarri, të tipit revole’, tha ai.

Njëri prej të dyshuarve me vendim të prokurorit është dërguar në mbajtje, ndërsa rasti është cilësuar si ‘Shkaktim i rrezikut të përgjithshëm’.

Bëhet fjalë për dy personat me inicialet D. K., dhe S. D.

Motivet e përleshjes, sipas dëshmitarëve, e cila zgjati rreth 30 minuta dyshohet të jenë të hollat.

Leave a Reply

Your email address will not be published. Required fields are marked *

Next Post

Kukësi me dy ujësjellësa, por pa ujë në rubinetë

Wed Sep 9 , 2020
Kukësi aktualisht ka dy sisteme ujsjellësash. Ujësjellësi kryesor, ai i Kolesjanit sjell rreth 100 litra në sekondë ndërsa i dyti, ai Lojmes rreth 20 litra. Në aksin e ujsjellësave përveç banorëve të qytetit (rreth 25 mijë) furnizohen edhe 20 fshatra e lagje. Por dukuria që po e çon drejt falimentimit […]