Situata e infektimeve me koronavirus në Kukës vazhdon të jetë shqetësuese.
Edhe pse ka ditë me asnjë rast, ose 1 rast, sërish numri i të infektuarve të rinj duket se është i madh.
Në raportimin e ditës së sotme të ministrisë së Shëndetësisë, është bërë e ditur se janë 7 raste të reja në Kukës.
Ndërkaq 2 traste të reja janë edhe në Has dhe 1 në Tropojë.
‘Shpërndarja gjeografike e rasteve pozitive ditore është si vijon:
84 raste në Tiranë, nga 10 raste në Durrës, Elbasan, 8 në Shkodër, 7 në Kukës, nga 5 raste Korçë, Lushnje, nga 4 raste Mirditë, Përmet, nga 3 raste Pogradec, Divjakë, Kolonjë, Malësi e Madhe, 2 në Has, nga 1 rast Kavajë, Tropojë, Peqin.
Gjatë 24 orëve të fundit janë shëruar 64 qytetarë, duke e çuar numrin e të shëruarve në 3616, që nga fillimi i epidemisë’, bëri të ditur ministria e Shëndetësisë.
