Ka shënuar sërish rritje numri i personave të infektuar me koronavirus në 24 orët e fundit në Kukës.
Kështu ka bërë të ditur sot ministria e Shëndetësisë.
Sipas të dhënave, bëhet fjalë për 6 raste të reja në Kukës dhe 4 raste në Tropojë.
‘Ju informojmë për situatën epidemiologjike në vend për 24 orët e fundit:
Janë kryer 877 testime për të dyshuar të prekur nga COVID-19, dhe janë identifikuar 168 qytetarë të prekur nga virusi SARS-COV2, ndërsa të shëruar rezultojnë 75 qytetarë, duke e çuar numrin e të shëruarve në 6569 që nga fillimi i epidemisë.
Shpërndarja gjeografike e rasteve pozitive ditore është si vijon:
51 raste në Tiranë, 18 raste në Elbasan, nga 12 raste në Korçë dhe Lezhë, 9 raste në Fier, nga 8 raste në Vlorë dhe Berat, 6 raste në Krujë dhe Kukës, 5 raste në Lushnje, nga 4 raste në Kavajë, Mirditë, Tropojë, nga 3 raste në Shkodër, Gjirokastër, Pogradec, Kolonjë nga 2 raste në Durrës, Devoll, Divjakë, nga 1 rast në Kamëz, Sarandë, Delvinë’, bën të ditur ministria e Shëndetësisë.
