Shkërmoqet Kukësi, Partizani fiton 4 me 1

‘Demat e Kuq’ kanë mposhtur Kukësin e Skënder Gegës me rezultatin e thellë 4-1 në sfidën e javës së 11-të të Kategorisë Superiore, duke i shkaktuar një humbje historike verilindorëve.

Kjo është disfata më e thellë e Kukësit në Kategorinë Superiore. Asnjëherë më parë nuk kishte ndodhur që skuadra verilindore të pësonte 4 gola në Superiore.

Vlen të theksohet fakti se Kukësi pësoi 4 gola vjet në Superkupë ndaj Partizanit në sfidën që përfundoi me rezultatin 4-2, por në kampionat nuk kishin arritur të pësonin asnjëherë 4 gola. Kujtojmë që Kukësi militon në Superiore nga sezoni 2012-2013.

Asani, Bitri, Bardhi dhe Mala ishin autorët e golave për kryeqytetasit në sfidën e sotme, ndërkohë që golin e nderit për Kukësin e realizoi Ibrahimi në sekondat e fundit me penallti.

Leave a Reply

Your email address will not be published. Required fields are marked *

Next Post

Humbja me Partizanin, dorëhiqet Skënder Gega

Sun Dec 27 , 2020
Skënder Gega ka vendosur të ndërpresë kontratën me Kukësin. Pas humbjes me Partizanin me rezultatin 4 me 1, Gega ka vendosur të largohet. Njoftim i Klubit të Kukësit: Futboll Klub Kukësi njofton se për shkak të rezultateve të fundit, trajneri Skënder Gega ka vendosur të jap dorëheqjen. Pas ndeshjes, trajneri […]