Thyhet rekordi në Kukës, ja sa raste me Covid janë sot

Situata e koroanvirusit në Kukës është e rëndë.

Sot është thyer dhe rekordi i infektimeve të reja në Kukës.

Asnjë ditë nuk ka pasur kaq shumë raste sa sot.

Bëhet fjalë për 18 qytetarë që janë identifikuar pozitiv në Kukës.

Numri me i larte i regjistruar ne Kukes me heret ka qene 17 infektime ne 24 ore.

Sot nuk ka asnjë raportim për Hasin dhe Tropojën.

Njoftimi i Ministrisë së Shëndetësisë:

COVID19/ Ministria e Shëndetësisë: 2241 testime, 564 të shëruar, 602 raste të reja dhe 8 humbje jete në 24 orët e fundit

Ministria e Shëndetësisë dhe Mbrojtjes Sociale ju bën apel të gjithë qytetarëve të respektojnë në çdo moment rregullat për parandalimin e SARS COV2, të mbajnë maskën në çdo ambient jashtë shtëpisë, të respektojnë distancimin fizik duke shmangur grumbullimet dhe të kujdesen për higjienën vetjake.

Në 24 orët e fundit, në vendin tonë janë kryer 2241 testime, prej të cilave 155 janë testime janë kryer për arsye depistimi.

Kanë rezultuar pozitivë me virusin SARS COV2, 602 qytetarë në 24 orët e fundit. Rastet pozitive të konfirmuara në 24 orët e fundit janë identifikuar në këto bashki:

249 raste në Tiranë, 47 raste në Gjirokastër, 38 raste në Lushnje,

30 raste në Fier, Korçë, Kavajë, 27 raste në Vlorë, 24 raste në Berat,

20 raste në Elbasan dhe Librazhd, 18 raste në Kukës, 16 raste në Përmet,

12 raste në Lezhë, 7 raste në Pukë dhe Kuçovë, 6 raste në Devoll, Mat, Dibër,

3 raste në Sarandë, 2 raste në Pogradec, 1 rast në Krujë, Tropojë, Bulqizë, Kolonjë.

Në 24 orët e fundit janë shëruar 564 qytetarë të cilët kanë plotësuar karantinimin 14 ditor, sipas të dhënave të Operatorit Qendror të Kujdesit Shëndetësor. 13.453 qytetarë e kanë fituar betejën me virusin që nga fillimi i epidemisë.

Aktualisht në 3 spitalet COVID, po trajtohen 406 pacientë, 14 në terapi intensive, nga të cilët 3 të intubuar.

Me gjithë përpjekjet e mjekëve, në 24 orët e fundit, kanë humbur jetën 8 qytetarë me Sars-Cov2 pozitiv në spitalet COVID: një 48 vjeçare, një 71 vjeçar, 74 vjeçar, një 85 vjeçar nga Tirana, një 60 vjeçar nga Mirdita, një 60 vjeçar nga Kurbini, një 63 vjeçar nga Gramshi, një 71 vjeçar nga Durrësi.

Ministria e Shëndetësisë dhe Mbrojtjes Sociale i drejtohet të gjithë qytetarëve që janë të konfirmuar ose në pritje të përgjigjes së testit, të qëndrojnë të izoluar, duke respektuar detyrimin e vetekarantinimit. Për çdo shenjë të sëmundjes duhet të kontaktoni mjekun tuaj të familjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm për COVID19.

Urgjenca Kombëtare është 24/7 në shërbim të pacientëve. Telefononi 127 nëse dyshoni se jeni të prekur nga Covid19 dhe për çdo urgjencë mjekësore.

COVID-19 – Statistika (16 Nëntor 2020)

Raste të reja ditore                             602

Të shëruar ne 24 orë                         564

Të shtruar në spitale                           406

Humbje jete në 24 orë                        8

Testime ditore                        2,241

Testime totale             157,891

Raste pozitive              28,432

Raste të shëruara       13,453

Raste Aktive                14,348

Humbje jete                631

Shpërndarja gjeografike e rasteve aktive sipas qarqeve:

Tiranë  6890

Durrës             1164

Fier       1122

Korçë     846

Shkodër 836

Elbasan  785

Vlorë    650

Lezhë    633

Berat    454

Gjirokastër  467

Kukës    358

Dibër   143

Leave a Reply

Your email address will not be published. Required fields are marked *