Transportuan emigrantë të paligjshëm me dy automjete, arrestohen dy persona në Kukës! Njëri pa leje drejtimi

Dy persona janë vënë në pranga ditën e sotme në Kukës, pasi u kapën teksa po transportonin emigrant të paligjshëm kundrejt fitimit.

Policia bën e dije se në pranga janë vënë shtetasit F. Z., 21 vjeç, banues në Obeliç, Kosovë dhe R. S., 22 vjeç, banues në Fushë Kosovë, ku njëri prej tyre nuk kishte as lejen e drejtimit.

Njoftimi i Policisë:

Kontrolle intensive për goditjen e aktivitetit kriminal në fushën e dhënies ndihmë për kalim të paligjshëm të kufijve.

Finalizohet operacioni policor i koduar “Help”.

Vihen në pranga 2 shtetas që u kapën duke transportuar me 2 automjete, emigrantë të paligjshëm, kundrejt fitimit.

Njëri nga të arrestuarit e drejtonte automjetin, pa leje drejtimi.

Shërbimet e Policisë Kufitare Morinë, në bashkëpunim me shërbimet e DVP Kukës, në vijim të planit të përbashkët të masave për goditjen e aktivitetit kriminal në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit, kanë organizuar dhe finalizuar operacionin policor të koduar “Help”.

Si rezultat i këtij operacioni janë arrestuar në flagrancë shtetasit F. Z., 21 vjeç, banues në Obeliç, Kosovë dhe R. S., 22 vjeç, banues në Fushë Kosovë.

Këta shtetas janë kapur në flagrancë nga shërbimet e Policisë, në fshatin Bardhoc, në afërsi të kufirit me Kosovën, duke transportuar me nga një automjet secili, 6 emigrantë të paligjshën, të cilët do t’i ndihmonin që të kalonin në mënyrë të paligjshme, kufirin me Kosovën, kundrejt fitimit.

Nga verifikimi i dokumentacionit rezultoi se shtetasi i arrestuar R. S. e drejtonte pa leje drejtimi automjetin me të cilin u kap duke transportuar emigrantë.

Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.

Leave a Reply

Your email address will not be published. Required fields are marked *