VIDEO/ Dy kuksianë në pranga, u kapën me 18 kilogram tritol

Dy kuksianë janë arrestuar në Durrës, pasi ishin duke transportuar 18 kilogramë tritol.

Policia thotë se ka finalizuar operacionin ‘e koduar ‘Trajektorja’.

Njoftimi i Policisë së Durrësit:

Sekuestrohen 29 kallëpe me lëndë eksplozive me peshë 18 kg dhe 15 kapsolla detonatore.

Arrestohen në flagrancë 2 poseduesit e lëndës eksplozive, të cilët do e shisnin atë kundrejt vlerës 12.000 euro.

Shërbimet e Komisariatit të Policisë Durrës, në vijim të punës për goditjen e paligjshmërisë, kapjen e personave që lëvizin me sende të kundërligjshme dhe rritjen e parametrave të sigurisë në qytet, në bazë të informacioneve të siguruara nga Seksioni për Hetimin e Krimeve, organizuan punën dhe finalizuan me sukses operacionin policor të koduar ‘Trajektorja ‘, në kuadër të të cilit u arrestuan në flagrancë shtetasit:

B. B., 42 vjeç dhe Sh. T., 31 vjeç, banues në Kukës.

Shërbimet e Policisë, pas informacionit të siguruar se në drejtim të Durrësit po lëvizte një automjet me 2 persona, të cilët kishin vendosur në bagazh një sasi të konsiderueshme lënde eksplozive, menjëherë kanë organizuar punën dhe në Sukth kanë ndaluar mjetin me të cilin po lëviznin shtetasit B. B. dhe Sh. T. Pas kontrollit të ushtruar në bagazhin e mjetit janë gjetur dhe sekuestruar në cilësinë e provës materiale 29 kallëpe me lëndë eksplozive, me peshë 18 kg, si dhe 15 kapsolla detonatore, të cilat këta shtetas do t’i shisnin kundrejt vlerës 12.000 euro.

Nën drejtimin e Prokurorisë vijon puna për identifikimin dhe kapjen e personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Durrës, për veprime të mëtejshme.

Leave a Reply

Your email address will not be published. Required fields are marked *

Next Post

Ndahet nga jeta juristi i njohur kuksian, Shkëlqim Spahiu

Tue Jan 5 , 2021
Juristi i njohur nga Kukësi, Shkëlqim Spahiu është ndarë nga jeta. Lajmin e trishtë kanë bërë të ditur miqtë e tij në Facebook. ‘Qofsh i xhehnetit! Shkelqim pate emrin e i shkëlqyer ishe për të gjithë dajë, kushëri, mik e shok Shkëlqim Spahiu! Dites dhe fjalës sot i iku Shkelqimi. […]