VIDEO/ Përmbytjet në Kukës, Breg Lumi pa rrugë dhe pa ujë të pijshëm

Ujërat e kaskadës së Drinit nuk kanë shkaktuar problem vetëm në zonën e Nënshkodrës, por edhe te dhjetëra banorë pranë qytetit të Kukësit.

Për shkak të rritjes së nivelit të ujit të liqenit të Fierzës në fshatin Breg-Lumë në Kukës është përmbytur rruga. Banorët janë të detyruar që të lëvizin nëpër shtigje rrugë pa rrugë duke transportuar thasët në shpinë.

‘E kemi vështirë, nuk kemi ku të shkojmë, prej 3-4 ditësh. Duhet të porosisim varkën, që të shkojmë, nëse ka të sëmurë, ose kalojmë nëpër mal’, ankohen banorët për A2.

Janë mbi 30 shtëpi që sa herë që rritet niveli i ujit në liqen kanë këtë problem. Ata tregojnë se uji ka shkaktuar edhe dëme të mëdha te muret e banesave, duke i çarë ato.

Një tjetër problem shqetësues është edhe mungesa e ujit të pijshëm, burimet dhe tubacionet e ujësjellësit janë përmbytur, duke lënë pa ujë fshatin, dhe mënyra e vetme për momentin është të presin ujin që shkrin nga bora.

Ndërkohë, edhe bregu i liqenit është i mbushur me mbeturina plastike e mbetje spitalore, duke bërë rrezik sëmundje dhe infeksionesh për fëmijët që luajnë çdo ditë me to.

Leave a Reply

Your email address will not be published. Required fields are marked *

Next Post

Në Kukës mësimi online është një dështim, nxënësit në fshatra nuk kanë internet

Fri Feb 19 , 2021
Prej një jave shkollat në gjithë vendin janë mbyllur, por shumica e nxënësve të zonave rurale të Kukësit nuk kanë mundësi ta ndjekin mësimin online. Fëmijët e fshatrave Nangë dhe Kolesjan shprehen se nuk kanë internet dhe as telefona celular. ‘Jo skam telefon, i bëj vete detyrat. Kur të shkoj […]