VIDEO/ Situatë e rëndë nga koronavirusi në Kukës, gazetarë e shoqëri civile ja hedhin fajin shtetit

Situata e pandemisë në Kukës sa vjen e përkeqësohet.

Me 6 vdekje të deklaruara del në krye të zonave për numër të popullsisë referuar virusit Covid 19, pa llogaritur që një numër personash kanë vdekur për shkak të sëmundjes, por pa u paraqitur në spital për ndihmë.

Prefekti i Kukësit Zenel Kuçana thotë se strukturat edhe institucionet përgjegjëse janë në krye të detyrës për zbatimin e protokollit të Ministrisë së Shëndetësisë për të penguar përhapjen e pandemisë duke ushtruar presion edhe me gjoba për rastet dasmave dhe grumbullime të tjera.

Por  nuk mendojnë kështu shoqëria civile dhe gazetarët.

Për Lad Shehun, përfaqësues i shoqërisë civile në Kukës, sipas burimeve jo zyrtare, por që janë të dhëna të marra nga komuniteti kuksian, numri i viktimave dhe i të sëmurëve është shumë më i madh se sa ai që bëhet publik.

Sipas tij, duhet që shteti, institucionet përgjegjëse duhet të bëjnë punën e tyre, jo të mos bëjnë asgjë.

Edhe gazetari Bashkim Shala për përhapjen e pandemisë në Kukës bën përgjegjës institucionet si prefektura, policia, drejtoria e shëndetit etj.

Përhapja e pandemisë i dedikohet edhe edukimit të pamjaftueshëm të masës në përgjithësi, të njerëzve që mbushin tregun dhe kafenetë, që frekuentojnë ceremoni të ndryshme familjare pa respektuar masat e protokollit shëndetësor.

Leave a Reply

Your email address will not be published. Required fields are marked *

Next Post

Çuditë me shifrat e koronavirusit në Kukës/ Dje 12 raste, sot vetëm 1 rast

Tue Aug 25 , 2020
Shifra të çuditshme të rasteve me koronavirus raportohen për zonën e Kukësit. Kjo vihet re në raportimet ditore të ministrisë së Shëndetësisë. Një ditë më parë Kukësi kishte numrin më të madh të rasteve që ishin regjistruar në zonën tonë, ndërsa sot numri është shumë herë më i vogël. Sot […]