Liman Morina kryetarisë i bashkisë së Hasit ka ndarë dhimbjen me familjen mbretërore për humbjen e Mbretëreshës Elisabeth. Ai i ka ngushëlluar ata me një status ku i bën elozhe të ndjerës dhe e falënderon për mikpritjen e hasjanëve.

Morina shprehet se prej vitesh Hasi dhe Britania e Madhe ndërtuan ura komunikimi. Ai shton se Mbretëresha ka vend të veçantë në zemrën e çdo hasjanaliu dhe kujtimi i saj do të mbetet i paharruar për ta.

Liman Morina ka shkruar:

Në emër të Bashkisë Has, të qytetarëve por edhe vajzave, djemve e familjeve hasjane që jetojnë e punojnë në Mbretërinë e Bashkuar, shprehim ngushëllimet më të ndjera për ndarjen nga jeta të Madhërisë së Sajë, Mbretëreshës Elisabeth II.

E ndjejmë obligim të ndajmë dhimbjen me familjen mbretërore dhe qytetarët e MB për këtë humbje të madhe. Prej vitesh qytetarët e Hasit ndërtuan ura komunikimi me Britaninë e Madhe, gjetēn strehë e ndërtuan jetën e të ardhmen.

U betuan para Madhërisë së Sajë e cila u besoi shtetësinë e Kurorës, për të qenë qytetarë të denjë e kontribues vlerash në atë tokë e cila u kthye në atdheun e dytë për ta. Ne përulemi para veprës të Elisabeth II, e cila ka zënë një vend të veçantë më zemrën e çdo hasjani.

Faleminderit Mbretëreshë. U prehsh në paqe. Mbetesh e paharruar për ne!

Leave a Reply

Your email address will not be published.