Rruga e Kombit është përfshirë nga mjegulla pas mesditës së të mërkurës, duke kufizuar ndjeshëm pamjen.
Nga Fushë Dukagjini e deri në Tunelin e Kalimashit dendësia e mjegullës është e madhe. Drejtuesit e mjeteve u është dashur të kufizojnë shpejtësinë e të bëjnë kujdes gjatë udhëtimit.
Policia Rrugore këshillon përdoruesit e rrugës për të treguar kujdes në lëvizje dhe të shmangin shpejtësinë mbi normat e lejuara në kushtet e pamjes së kufizuar.