• Tue. May 21st, 2024

Nga Lushnja në Kukës për të gjuajtur në mal, 3 nën hetim

Policia e Kukësit ka proceduar në gjendje të lirë 3 persona për veprën penale ‘dëmtimi i specieve të mbrojtura të florës dhe faunës së egër’.

Sekuestrohen 3 armë gjahu, si dhe një sasi fishekësh.

Njoftimi i Policisë së Kukësit:

Specialistët për Krimet në Komisariatin e Policisë Kukës, në vijim të punës për goditjen e gjuetisë së paligjshme, kanë proceduar në gjendje të lirë 3 shtetas, konkretisht:

E. Q., banues në Lushnje, B. T.,  dhe A. B., banues  në Tiranë, pasi në vendin e quajtur ‘Stanet e Zyberajve’, në fshatin Brekije, kanë vrarë shpend të egër, të cilët i përkasin specieve të mbrojtura të faunës së egër.

Në cilësinë e provës materiale u sekuestruan 3 armë gjahu, si dhe një sasi fishekësh .

Materialet u referuan në Prokurorinë pranë Gjykatës së Shkallës së Parë Kukës, për veprën penale ‘Dëmtimi i specieve të mbrojtura të florës dhe faunës së egër’.

Leave a Reply

Your email address will not be published. Required fields are marked *