• Sun. Jun 23rd, 2024

Përleshen adoleshentët në Kukës/ Policia u gjen doreza metalike

Nov 7, 2023

Policia e Kukësit ka vënë nën hetim 5 adoleshentë, pasi ishin duke u përleshur me njëri tjetrin.

Ngjarja ka ndodhur mesditën e sotme në rrugë të Kukësit.

Gjatë kontrolleve, njërit prej tyre policia i ka gjetur një dorezë metalike.

Njoftimi i policisë së Kukësit:

Shërbimet e Komisariatit të Policisë Kukës, pas marrjes së njoftimit se disa shtetas të mitur po konfliktoheshin fizikisht me njëri-tjetrin, në rrugë, kanë shkuar menjëherë në vendin e ngjarjes, për të parandaluar përshkallëzimin e konfliktit. Gjatë kontrollit fizik, njërit prej tyre, shërbimet e Policisë i kanë gjetur dhe sekuestruar një dorezë metalike.

Në përfundim të veprimeve procedurale të kryera me prezencën e prindërve, psikologut dhe mbrojtësit ligjor, u referuan materialet në Prokurori ku nisi procedimi në gjendje të lirë për 5 shtetasit e mitur të përfshirë në konflikt, të moshave 14-17 vjeç, për veprën penale ‘Dëmtime të tjera me dashje’. Gjithashtu, për poseduesin e dorezës metalike, u referuan materialet procedurale edhe për veprën penale ‘Prodhimi, mbajtja, blerja apo shitja pa leje e armëve të ftohta’.

Leave a Reply

Your email address will not be published. Required fields are marked *