211 gjoba dhe dy të arrestuar në Kukës nga Policia Rrugore

Policia Rrugore e Kukësit ka patrulluar akset rrugore interurbane, urbane dhe rurale, për të evidentuar dhe ndëshkuar shkelësit e Kodit Rrugor, me qëllim parandalimin e aksidenteve dhe rritjen e parametrave të sigurisë rrugore.

Kontrollet me patrulla të lëvizshme, duke përdorur dronin për kontrollin e rrugës, me fokus shpejtësinë tej normave të lejuara, drejtimin e automjeteve nën efektin e alkoolit apo në gjendje të dehur, mospërdorimin e rripit të sigurimit, përdorimin e telefonit gjatë drejtimit të mjetit, parakalimet e gabuara, mosrespektimin e përparësisë dhe të sinjalizimit rrugor, si dhe shkelje të tjera që janë burim aksidenti.

Në funksion të kontrolleve, gjatë 24 orëve të fundit janë arrestuar në kushtet e flagrancës 2 shtetas, për drejtim automjeti në gjendje të dehur, konkretisht:

-E. GJ., 43 vjeç, banues në Lusen, Kukës.

– Gj. T., 28 vjeç, banues në Fan.

Gjithashtu, si rezultat i kontrolleve janë pezulluar 4 leje drejtimi, si dhe janë vendosur 211 masa administrative, nga këto:

  • 197 për parakalim të gabuar;
  • 10 për mospërdorim të rripit të sigurimit;
  • 4 masa të tjera për shkelje të ndryshme të Kodit Rrugor.

Këto kontrolle do të vijojnë në mënyrë të pandërprerë në të gjitha akset rrugore të qarkut Kukës, me qëllim parandalimin e aksidenteve dhe rritjen e parametrave të sigurisë rrugore.

Policia Rrugore e Kukësit apelon për gjithë drejtuesit e automjeteve dhe këmbësorët që të respektojnë me rigorozitet rregullat e qarkullimit rrugor.

Leave a Reply

Your email address will not be published. Required fields are marked *

Next Post

‘Kukësi në 79 ditë’/ Pranvera dramatike e vitit 1999-Shkruan Petrit Palushi

Tue Jun 8 , 2021
Për 79 ditë (nga 27 marsi deri më 13 qershor 1999) një qytet i vogël fitoi vëmendjen e gjithë botës, ndërsa iu dhjetëfishua popullsia sa hap e mbyll sytë.  ‘Me 5 maj t’atij viti e pyeta Marie Laure Colson, gazetare e Liberation – it të Parisit: – Ç’mund të ndodhë […]