FIFA trondit Kukësin, i bllokohet merkatoja, lajmi u mbajt i fshehtë për 6 muaj

Kukësi është tronditur nga një lajm i fortë nga FIFA e cila ka bllokuar merkaton e klubit shqiptar.

Nënkampionët e Shqipërisë bënë me dijë nëpërmjet komunikimit për shtyp se çështjen në fjalë e kanë dërguar në Zvicër dhe e konsideron vendimin e FIFA-s si të pakuptimtë.

KOMUNIKATË PËR SHTYP NGA KUKËSI:

Futboll Klub Kukësi kërkon të sqarojë opinionin sportiv në lidhje me një vendim të dhënë nga UEFA në muajin janar, ku është bllokuar merkatoja jonë për shkak të një ankimimi të ish-futbollistit tonë Filip Zderiç.

Është e vërtetë që në klub ka ardhur një vendim i tillë, mirëpo ky vendim është i pakuptimë dhe klubi ka marrë masat e nevojshme për ta çuar çështjen deri në fund. Ky vendim tashmë është në CAS dhe është pikërisht kjo gjykatë, ajo që do të thotë fjalën e fundit.

Klubi ju siguron se mga kjo çështje, do të dalim të fituar sepse nuk ka asgjë të vërtetë nga ajo çka pretendon futbollisti në fjalë.

Mbrojtësit i është komunikuar që të bashkohet me grupin në grumbullim, mirëpo futbollisti ka refuzuar dhe për pasojë klubi e ka dënuar duke e dërguar të stërvitet me Kukësin B (aktiv asokohe). Futbollisti nuk e ka marrë parasysh këtë dënim të klubit, duke u larguar nga Shqiperia e duke shkelur kontratën dhe njëkohësisht duke bërë një denoncim me pretendimin se nuk është paguar.

Klubi ka dorëzuar dokumentacionin e nevojshëm në CAS dhe tashmë jemi në pritje të vendimit për të fituar gjyqin!

Leave a Reply

Your email address will not be published. Required fields are marked *

Next Post

VIDEO/ Besimtarët kuksianë falin Namazin e Kurban Bajramit

Fri Jul 31 , 2020
Mijëra banorë të Kukësit në orët e para të mëngjesit kanë falur Namazin e Kurban Bajramit. Ceremonia kryesore është mbajtur në Xhaminë e qytetit të Kukësit. Qindra besimtarë që në orët e para të mëngjesit janë falur për një jetë më të mirë dhe më të qetë. admin See author's […]