Kukësi ka shënuar humbjen e radhës, këtë herë ndaj shkodranëve të Vllaznisë.
Ndeshja që luhej në Elbasan Arena ka përfunduar 1 me 0 për shkodranët.
Kjo ishte ndeshje e vlefshme për javën e 14-të në Kategorinë Superiore.
Në 45 minutat e para skuadrat u treguan mjaft të kujdesshme, duke mos prodhuar shumë raste shënimi.
Ndërsa në pjesën e dytë, ekipet u futën vrullshëm në fushë, duke tentuar disa herë portën kundërshtare.
Goli për shkodranët do të vinte në minutën e 58-të të takimit.
Ishte sulmuesi Arlind Kalaja, ai që me golin e tij i dhuroi 3 pikë të arta skuadrës së Brdariç, duke zhytur kështu në krizë të thellë rezultatesh Kukësin.
Për verilindorët e Hallaçit kjo ishte humbja e katërt radhazi në 5 ndeshjet e fundit, ndërsa për shkodranët kjo ishte fitorja e 10 në kampionat, duke marshuar në rrugën drejt titullit kampion.