Kukësi në rënie të lirë, rrezikon rënien nga kategoria

1 min read

Kukësi vijon të humbasë dhe sigurisht që trajneri Mirel Josa nuk është në pozita të mira. Europa tani as që mund të mendohet më. Trajneri i verilindorëve foli në emisionin ‘Gol pas Goli’ në Supersport dhe sigurisht kjo humbje i dhemb shumë.

‘Është një ngërç që po thellohet, duhet të jemi të kujdesshëm sa i takon marrëdhënies staf-lojtar. Duhet analizuar ndeshja e sotme, sikurse kemi bërë çdo ndeshje. Krijuam raste, edhe pse Skënderbeu ishte ngjeshur prapa. Problemi është se pjesën e dytë ishim shumë larg portës.

Eze ishte i vetmuar dhe i pa pozicionuar sa i takon finalizimeve. Goditja e Skënderbeut na uli psikologjikisht. Nuk kemi probleme fizike. Përmirësohemi duke shënuar dhe duke fituar. Normal presionin e ndjen çdo skuadër. Do mundohemi që ta ulim presionin dhe t’i bëjmë lojtarët të luajnë më lirshëm në ndeshjet në vazhdim’.

‘A rrezikon Kukësi? Nuk është e njëjta situatë si te Tirana. Nuk luajnë vetëm lojtarët, luajmë edhe ne edhe drejtuesit. Duhet ta mbledhin veten sa më shpejt, ashtu sikurse edhe klubi duhet të jetë sa më i kujdesshëm. Ne këto vegla pune kemi dhe me këto do të luajmë deri në fund’.

Leave a Reply

Your email address will not be published. Required fields are marked *