Kuksianëve do të ju rritet çmimi i ujit

Ndërmarrja e ujësjellës-kanalizimeve në Kukës ka organizuar një dëgjesë publike, me Këshillin Bashkiak ku ka propozuar tarifat e reja të propozuara nga enti rregullator, që rrisin çmimin e ujit të pijshëm si për konsumatorët familjarë ashtu edhe për ato publike dhe privat.

Por një nga anëtarët e Këshillit Bashkiak është shprehur se dëgjesa duhet të bëhet edhe me popullin e Kukësit, duke deklaruar se rritja është e pajustifikueshme duke patur parasysh edhe gjendjen ekonomike të banorëve të Kukësit.

Ndërkohë nënkryetari i Bashkisë Kukës, Vexhi Hoxha e justifikoi mungesën e dëgjesës me popullin me masat anti-covid, ndërsa e ka justifikuar kërkesën për rritjen e çmimit të ujit të pijshëm me përmirësimin e menaxhimit dhe furnizimit.

Por qytetarët të pyetur nga A2 mbi propozimin për rritjen e çmimit të ujit janë shprehur kundra. Sipas tyre, institucionet duhet të sigurojnë një herë furnizimin e pandërprerë, pastaj të kërkojnë rritjen e çmimeve.

Për konsumatorët publikë dhe privatë rritja parashikohet të jetë më e madhe si për furnizimin me ujë të pijshëm ashtu edhe për tarifat e heqjes së ujërave të përdorura dhe atyre të zeza.

Leave a Reply

Your email address will not be published. Required fields are marked *

Next Post

Dy të arrestuar në hyrje të Morinit

Thu Jun 3 , 2021
Dy të rinj banues në Prishtinë, janë arrestuar në hyrje të Morinit, për shkak se tentuan të kalojnë kufirin me lëndë narkotike në automjet. Sipas policisë në pranga kanë rënë R. R., 24  vjeç dhe A. A., 25 vjeç, ndërsa gjatë kontrollit të kryer në automjet u gjet dhe sekuestrua […]