Ja si kanë ecur punimet në ndërtimin e stadiumit të Kukësit

Punimet në stadiumin e Kukësit po vijojnë. Sipas klubit të Kukësit, brenda pak kohësh stadiumi do të jetë gati për të pritur ekipin, pas shumë kohësh mungese.

Aktualisht është bërë porosia për tapetin, i cili do të jetë 100% natyral. Ndërkohë që janë porositur edhe stolat dhe impianti i ndriçimit.

Me ritme të kënaqshme ka ecur edhe puna në tribunën pas porte, e cila ka nisur me vonesë krahasuar me pjesën tjetër të stadiumit, pasi presidenti i klubit Safet Gjici kërkonte të përfshinte në projekt, për ta marrë nën administrim edhe fushën e lojërave me dorë.

Pikërisht për këtë arsye, mjetet e bashkisë shkatërruan dhe palestrën e mundjes dhe dhomat  e zhveshjes, por Gjici nuk mundi të çonte deri në fund projektin e tij, pasi u bllokuar nga Federata e Lojërave me dorë.

Tribuna pas port ka nisur të marrë formën dhe brenda pak kohësh, do të jetë gati.

E sigurt është që Kukësi e nis sezonin e ri në stadiumin e vet.

Leave a Reply

Your email address will not be published. Required fields are marked *

Next Post

FOTO/ Masakër mjedisore në liqenin e Kukësit, mbushet plot me plehra

Tue May 4 , 2021
Liqeni i Fierzës, është shndërruar sërish në basenin grumbullues të mbetjeve urbane të Kosovës e Maqedonisë së Veriut. Mbeturinat janë shfaqur në breg dhe në sipërfaqen e ujërave të liqenit duke krijuar ndotje masive. Drejtori i Agjencisë së Mjedisit në Kukës, Arben Palushi, thotë se situatë është katastrofike por bashkia […]