Kapet drogë në Kukës, 6 të arrestuar te ‘Zabeli’

Gjashte te rinj jane arrestuar ne Kukes, per trafik droge.

Policia e Kukesit tha se operacioni ‘Binomi’ eshte finalizuar gjate dites se djeshme.

Arrestimet e 6 te rinjve nga Kukesi dhe Hasi u bene prane ‘Zabelit’

Njoftimi i Policis së Kukësit:

Finalizohet me sukses operacioni policor i koduar “Binomi”.

Operacioni nga DVP Kukës, për goditjen e veprimtarisë kriminale në fushën e shpërndarjes së lëndëve narkotikëve.

Shpërndanin lëndë narkotike në doza të vogla në Kukës dhe Has, arrestohen në flagrancë 6 shtetas.

Sekuestrohet një sasi lënde narkotike dhe fara kanabisi.

Strukturat e DVP Kukës, në vijim të punës për goditjen e veprimtarisë kriminale në fushën e shpërndarjes së lëndëve narkotikëve, në kuadër të hetimit disamujor të nisur ndaj disa shtetasve, për shpërndarje të lëndëve narkotike në Kukës dhe Has, bazuar në provat e siguruara, organizuan punën dhe finalizuan me sukses operacionin policor të koduar “Binomi”.

Si rezultat i operacionit u arrestuan në flagrancë shtetasit:

A. C., 23 vjeç, A. M., 24 vjeç, L. P., 28 vjeç, B. P., 24 vjeç, G. P., 23 vjeç, dhe B. P., 15 vjeç, banues në Kukës dhe Has.

Gjatë operacionit, në qytetin e Kukësit, në lagjen Zabel, shërbimet e Policisë kanë ndaluar dy automjete, me drejtues shtetasit G. P. dhe A. C.

Gjatë kontrollit të ushtruar në automjetet e tyre, shërbimet e Policisë gjetën një sasi lënde narkotike kanabis dhe fara kanabisi.

Nga hetimet e kryera ka rezultuar së këta shtetas shpërndanin lëndë narkotike në doza në qytetin e Kukësit dhe Hasit.

Materialet i kaluan Prokurorisë pranë Gjykatës së Shkallës së Parë Kukës, për veprën penale “Prodhimi dhe shitja e narkotikëve”, kryer në bashkëpunim.

Leave a Reply

Your email address will not be published. Required fields are marked *

Next Post

3 dibranë nën hetim, po gjuanin peshk me dinamit

Wed Jun 23 , 2021
Kryenin gjueti peshkimi në mënyrë të paligjshme, procedohen penalisht nga Policia 3 shtetas. Në vijim të punës për ruajtjen e mjedisit dhe kontrollit të territorit për  parandalimin, evidentimin dhe goditjen e paligjshmërisë, nga shërbimet e Komisariatit të Policisë Dibër, është goditur një rast i gjuetisë së peshkimit në mënyrë të  […]