Kukësi gati për Europa League, e konfirmon edhe testi anti-Covid

Kukësi është gati për të nisur sfidën e tij në eliminatorët e Europa League dhe këtë e konfirmuan edhe testet anti-Covid që iu nënshtruan të gjithë lojtarët dhe stafi i ekipit verilindor.

Faqja zyrtare e nënkampionëve të Shqipërisë njofton se janë marrë përgjigjet e testit të dytë që u zhvillua ditën e hënë dhe fatmirësisht të gjithë kanë rezultuar negative.

Përgjigjet negative erdhën falë kujdesit të treguar nga stafi dhe futbollistët dhe izolimit në Tropojë dhe Elbasan.

Ky është testi i dytë që ekipi zhvillon në pak ditë.

Të premten, u zhvillua testi i parë për skuadrën, me vendim të klubit për t’i paraprirë çdo situate.

Ndërkohë, pas testeve ekipi zhvilloi stërvitjen e radhës në Elbasan para ndeshjes ndaj Slavia Sofias.

Kukësi do të ndeshet ditën e enjte në orën 20:00 me bullgarët e Slavias së Sofjes, në një takim që do të luhet në ‘Air Albania Stadium’.

Leave a Reply

Your email address will not be published. Required fields are marked *

Next Post

Zero raste me koronavirus sot në Kukës

Wed Aug 26 , 2020
Zero raste sot në Kukës nga koronavirusi Covid-19. Kështu raporton sot ministria e Shëndetësisë, që nuk e ka Kukësin në listën e zonave me numra të infektuara. Edhe Hasi dhe Tropoja nuk janë sot në listën e ministrisë së Shëndetësisë. ‘Gjatë 24 orëve të fundit tonë janë kryer 878 testime. […]