Dhjetëra shqiptarë nuk janë lejuar që të hyjnë në Kosovës nga pika doganore e Morinës në Kukës.
Shkak për këtë janë bërë masat e fundit të qeverisë së Kosovës, ku për të hyrë atje duhen 3 doza të vaksinës. Qytetarët shqiptarë shprehen se janë njoftuar vonë për këtë vendim.
Në temperatura që shkojnë disa gradë nën zero, dhjetëra qytetarë shqiptarë nuk u lejuan që të futen në Republikës e Kosovës.
Masat e reja të qeverisë së Albin Kurtit, parashikojnë se të gjithë qytetarët që hyjnë në Kosovë duhet të kenë 3 dozat e vaksinës ose dy doza dhe test PCR.
Shqiptarët u shprehën se janë lajmëruar për masat e reja shumë vonë, ndërsa testi PCR kushton shumë shtrenjtë për ta.
“Nuk e kemi ditur, në 10-11 të natës është dhënë vendimi. Sot jemi nis për Kosovë na kanë kthyer. Duan testin PCR 30 euro ose vaksinën e tretë, vaksina e tretë akoma nuk ka filluar në zonën tonë. Për hall po shkojmë jo për qejf.”
“PCR 30 euro, nuk e kuptoj.Janë shtuar rastet tani.”
Thonë se qytetarët e Kosovës lejohen lehtësisht të futen në Shqipëri, ndërsa për ta kufiri është mbyllur.
“Ta vëmë dhe ne kufirin siç na e kanë vënë ata ne. Duam një zgjidhje sa më shpejtë.”
“Ata janë të lirë me ardh në Shqipëri, kanë të drejtë me e sjell virusin këtu, kurse ne po i infektojmë andej.”
Qeveria e Kosovës miratoi të premten masa të reja anti-Covid në vend, pas rritjes së numrit të rasteve të reja pozitive me koronavirus.