Festa e bjeshkëve është aktiviteti më i ri që synon të promovojë turizmin malor në Qarkun e Kukësit. Bushtrica ishte vendi që mblodhi banorët e zonës, drejtues të pushtetit lokal dhe ministrin e Turizmit dhe Mjedisit, Blendi Klosi.
Qëllimi është për të tërhequr vëmendjen e turistëve për bukuritë natyrore të veriut t ëvendit. Ky aktivitet vlerësohet si një mundësi e mirë për banorët e zonës.
Për ministrin Klosi, promovime të tilla, veçanërisht në këtë vit të vështirë për turizmin, shikohen si e vetmja mundësi për të ndihmuar biznesin vendas.
Ndërsa kryetari i Bashkisë së Kukësit, Safet Gjici, premtoi përmirësimin sa më shpejt të infrastrukturës rrugore për të aksesuar sa më lehtë këto bukuri natyrore.
Këshilli Bashkiak i Kukësit pritet të miratojë edhe një ditë zyrtare për Festën e bjeshkëve.